नेपाली काँग्रेस मुसिकोट नगर सभापतिमा झविलाल भण्डारी चयन !
नेपाली काँग्रेस मुसिकोट नगर कार्यसमिति सभापतिमा झविलाल भण्डारी चयन हुनुभएको छ । शनिवार सम्पन्न नगर स्तरीय विशेष अधिवेशनले भण्डारीलाई सर्वसम्मत सभापति पदमा चयन गरेको हो ।
प्रथम अधिवेशनबाट नगर सभापति पदमा निर्वाचित मोहन घिमिरेको गत भाद्र २ गते निधन भएपछि सभापति पद रिक्त रहेको थियो । रिक्त रहेको पदमा पदपूर्ति गर्न शनिवार होटल दरबारमा सम्पन्न विशेष अधिवेशन नेपाली काँग्रेसले विशेष अधिवेशन आह्वान गरेको थियो ।
सभापति पदका लागि २ जनाको उम्मेदवारी परेको थियो । मुसिकोट नगरपालिका वडा नं २ का वडाध्यक्ष समेत रहनुभएका रविन्द्र केसी र झविलाल भण्डारीको उम्मेदवारी परेपनि अन्तत सर्वसम्मत भण्डारी सभापति पदमा चयन हुनुभएको हो ।
