बस्तिहरूको सुरक्षा र डरे खोलामा पुल निर्माण गर्न सांसद मैनाकुमारी भन्डारी को माग
रामकृष्ण कंडेल✍️
सांसद मैनाकुमारी भन्डारीले प्रतिनिधि सभाको आजको शून्य र विशेष समयमा बोल्दै गुल्मी जिल्लाका नदि तटिय क्षेत्रका बस्तिहरूको सुरक्षाको माग गर्नुभएको छ।सांसद भन्डारीले गुल्मी जिल्लाको क्षेत्रनं १ र २ का १४ वडाका प्रमुख बस्तिहरू बर्षायाममा असुरक्षित रहेको बताऊनु भएको छ। संसदमा बिशेष समय लिएर बोल्दै सांसद भन्डारीले वामीटक्सार,भुवाचिदी,ईन्द्रेगौंडा,मजुवा,चोरकाटे,उल्लिखोला,खैरेनी,साघाट बडिगाड नदिको कारण असुरक्षित रहेकोले त्यहाका बासिन्दाहरू ढुक्कताका साथ निदाऊने बाताबरण बनाऊन सरकार संग बिशेष माग गर्नुभएको छ।नदि कटानले बर्षेनी यस क्षेत्रको हजारौं रोपनी जग्गा बगाऊने गरेको सांसद भन्डारीले जानकारी दिनुभयो।
डरे खोलाले हरेक बर्ष गाडीहरू बगाई ठुलो जनधनको क्षति हुनेगरेको बताऊदै उक्त खोलामा तत्काल पक्कि पुल निर्माणको लागि सांसद भन्डारीले सरकारको ध्यान आकर्षण गराऊनु भएको छ।
