समाजसेवि गंगाराम खरेल लाई जन्मभुमीमा गरियो स्वागत
क्यानडामा कार्यरत युवा समाजसेवि ब्यक्तित्व गंगाराम खरेल लाई गुल्मीको डॅासिकोटमा स्वागत गरिएको छ।लामो समय पछि नेपाल आएको बेला आफ्नो जन्मस्थान पुग्नुभएका खरेल केही बर्ष पहिले बसाई सराईगरी गैंडाकोट जानुभएको छ।
मुनपा ९ स्थित डॅासिकोटमा रहेको खड्गभुमि कालिका मन्दिर ब्यबस्थापन समितिको तर्फ देखि गंगाराम लाई स्वागत सम्मान गरिएको हो। गंगाराम क्यानडामा कार्यरत हुनुहुन्छ साथै उहॅाका दुईदाजुहरू कृष्ण र बासु जापानमा हुनुहुन्छ।आफ्ना स्वर्गिय पिताको स्मृतिमा गंगारामको परिवारले मन्दिर निर्माणको लागि आर्थिक सहयोग गरेबापत मन्दिर समितिको तर्फ देखि सम्मान गरिएको समितिले जनाएको छ।
सम्मानित ब्यक्तित्व गंगारामले आफ्नो जन्मस्थानमा मन्दिर ब्यबस्थापन समितिको तर्फबाट आफु सम्मानित हुन पॅाऊदा निकै खुसिलागेको बिचार ब्यक्त गर्नुभयो।खरेल संगै उहॅाका भान्जा सन्तोष लामिछाने लाई पनि स्वागत सम्मान गरिएको थियो।अत्यन्तै सरल र भद्र स्वभाबका गंगारामले समाजका हरेक क्षेत्रमा सहयोग गर्दै आऊनुभएको छ।
