मुसिकोट नगरप्रमुख जीवन खरेल सहितको नेपालीटोली जापानी कार्यक्रमहरूमा ब्यस्त
रामकृष्ण कंडेल,युनिक खवर✍️
मुसिकोट नगरप्रमुख जिवलाल खरेल जीवन सहितको नेपालीटोली जापानीहरूले आयोजना गरेका कार्यक्रमहरूमा ब्यस्त रहनुभएको छ।आज बुंगो ओनो नगरपालीका स्थापना भएको २० बर्ष पुरा भएको अवसरमा आयोजित कार्यक्रममा सहभागिहुनका लागि त्यस तर्फ जॅादै गरेको खवर युनिक खवर डट कम लाई प्राप्त भएको छ।
नगरप्रमुख संग संगै रहनुभएका सामाजिक ब्यक्तित्व तुल्सिराम खरेलले युनिक खवर लाई जापान बाट दिएको जानकारी अनुसार आजको उक्त कार्यक्रममा नगरप्रमुख खरेल लाई महत्वपुर्ण सम्मानका साथ आमन्त्रण गरिएको छ।
नगरप्रमुख खरेलको भ्रमण लाई उपलब्धिमुलक बनाऊनको लागि मुसिकोट नगरपालिकामा जन्मी हाल जापानमा लामो समय अगाडि देखि बसोबास गर्दै आऊनुभएका नेपाली ब्यबसायिहरू क्रमश रोशन के सी,तुल्सिराम खरेल,डिलाराम खरेल,शुरेस के सी,किसन सापकोटा लगायतले सहजिकरण गरिरहनुभएको छ।
हिजो बुंगो ओनो नगरपालिकाले आयोजना गरेको बिशेष कार्यक्रममा दुई नगरप्रमुख हरूले सम्झौता पत्रमा हस्ताक्षर गरिसक्नुभएको छ।सम्झौता पत्रमा हस्ताक्षर कार्यक्रममा ओइता प्रान्तीय तोयोही बिकाश बिभाग महानिर्देशक सिमिजु युताका र जापानका लागी नेपाली राजदुत महामहिम डा दुर्गा बहादुर सुवेदी बिशिष्ट अतिथिको रूपमा उपस्थित हुनुहुन्थ्यो।
