एमाले रुरुक्षेत्र १ ले शुरु गर्यो विपद व्यवस्थापन कोष स्थापनाको अभियान
कृष्ण अन्जान,रिडीबजार ✍️
राजनीति विचार मात्र होईन सामाजिक उत्तरदायित्व पनि हो ।समाजका लागि केही गर्नु राजनीति हो ।
यतिबेला नेकपा एमाले रुरुक्षेत्र गाउँपालिका वडा न १ कमिटी सामाजिक उत्तरदायित्व वहन गर्ने कुरालाई पछ्याउँदै विपद व्यवस्थापन कोष निर्माणमा जुटेको छ ।
यो वर्षको तिहारमा नेकपा एमाले रुरुक्षेत्र वडा न १ कमिटी भैलो खेल्दै कोष सँकलनको अभियानमा छ ।
लक्ष्मीपुजाको दिन पार्टीका पदाधिकारी ,सदस्य शुभचिन्तक हरु रिडीबजारमा भैलो कार्यक्रममा जुटेको देखियो ।
भैलो कार्यक्रममा जनसाँस्कृतिक सँघ गुल्मीका कलाकारका टोलिहरु हरुसँगै पार्टी पँक्तिको सहभागिता छ ।
नेकपा एमाले रुरुक्षेत्र १ ले हरेक अप्ठ्यारा हरुमा समुदायलाई सहयोग गर्दै आईरहेको छ ।
विगतमा भुकम्पको पीडितलाई सहयोग होस कोभिडका बेला राहत वितरण ,बाढि पहिरो ,कोभिडका समयमा अक्सिजनको जोहो गर्दै अक्सिजन बैँकको स्थापना गरेर पार्टीका गतिविधिलाई जनताका प्रत्यक्ष समस्या सँग जोडेको कसैबाट लुकेको छैन ।
वडामा कसैका घरमा मर्दा पर्दा ,समुदायमा कोहि बिरामी पर्दा फलफूल ,मृत्युुमा समवेदना पत्र बोकेर नेकपा एमाले रुरुक्षेत्र गाउँ पालिका कमिटी पुग्छ ।
कोभिडले रिडीबजार थलिँदा बेसार ,गुर्जो ,मरटि लगाएतका जरिवुटिका पोका बोकेर एमाले कार्यकर्ताले घरघर पुर्याएको सम्झना रिडी बजारकि धना रानाले गर्नु हुन्छ ।
थानपतीमा भएको आगलागी होस या लुम्पेक पहिरो पिडित हरुका लागि राहतको व्यवस्था ,कोभिड महामारीमा जोखिमको समाना गर्दै ज्यानको बाजीलगाएर ओैषधि बितरणका काममा एमाले रुरुक्षेत्र गाउँ कमिटीले गरेको काम स्मरणीय छ ।
हामीले मुख्यतया विपदका बेला सहयोग गर्न सजिलो होस भन्नाका लागि विपद व्यवस्थापन कोष निर्माणको अभियान शुरु गरेका छौँ सबैबाट आवस्यक सहयोगको अपेक्षा गर्दछौँ कोष व्यवस्थापन सँयोजक नेकपा एमाले रुरुक्षेत्र वडा न १ गाउँ कमिटी सचिव चिरन्जिवि ज्ञवालीले भने ।
पार्टीको सामाजिक उत्तरदायित्वको कामलाई जिवन्त राख्न समुदायको शुखदुखमा साथ दिनु पर्छ भन्ने बुझेको नेकपा एमाले रुरुक्षेत्र गाउँ कमिटीको यो कार्य सह्राहनिय मान्नु पर्छ ।