सरकारले गर्यो दुई प्रदेश प्रमुखलाई पदमुक्त,गण्डकीमा पौडेल र सुदूरपश्चिममा यादव नियुक्त

सरकारले दुई प्रदेश प्रमुखलाई पदमुक्त गरेको छ।सोमबार प्रधानमन्त्री निवास बालुवाटारमा जारी बैठकले गण्डकी प्रदेश प्रमुख अमिक शेरचन र सुदूरपश्चिम प्रदेश प्रमुख शर्मिला त्रिपाठीलाई पदमुक्त गरि गण्डकीमा सीता पौडेल र सुदूरपश्चिममा गंगाप्रसाद यादवलाई प्रदेश प्रमुख नियुक्तिको लागि राष्ट्रपतिसमक्ष सिफारिस गरेको हो ।

यसअघिका दुबै प्रदेश प्रमुख माओवादी केन्द्र निकट थिए।नवनियुक्त प्रदेश प्रमुखलाई राष्ट्रपति भवन शीतल निवासमा सपथ ग्रहण गराइ सकिएको छ।यसअघि २०७६ कात्तिकमा सरकारले सातै वटा प्रदेशको प्रदेश प्रमुख परिवर्तन गरेको थियो।त्यतिबेला प्रदेश २, गण्डकी र सुदूरपश्चिममा माओवादी केन्द्र निकटकालाई नियुक्त गरिएको थियो।तर, नेकपा विभाजन भएसँगै प्रदेश-२ का प्रदेश प्रमुख तिलक परियारलाई भने पदमुक्त गरी राजेश झालाई जिम्मेवारी दिइएको थियो।