नेकपा एमाले मुसिकोट ८ को बैठक आज वामीमैदानमा सम्पन्न
युनिक खबर✍️
नेपाल कम्युनिष्ट पार्टी एमाले मुसिकोट वडा नम्बर ८ अन्तर्गत वडा कमिटीको बैठक आज वामीमैदानमा सम्पन्न भएको छ l बैठकमा प्रमुख अतिथि का रुप मा नेकपा एमाले मुसिकोट नगरकमिटि सचिवालय सदस्य तथा विद्यार्थी युवा इन्चार्ज नारायण सापकोटाले नेकपा एमाले लाई सशक्त र बलियो पार्टी बनाउनको लागि पार्टी पर्ती सक्रियताका साथ लाग्नु पर्ने कुरा व्यक्त गर्नुभयो l प्रमुख अथिति सापकोटाले आगामी पुस १७ गते शनिबार वामी टक्सारबजारमा पार्टीले आयोजना गरेको युवाहरूको नगर अधिवेशन लाई भव्यताका साथ सम्पन्न गर्नका लागि वडा नम्बर ८ बाट ठूलो संख्यामा युवाहरू लाई वामीटक्सार मा भाग लिन को लागि अनुरोध गर्ने लगायत विविध विषयमा आफ्नो महत्वपूर्ण मन्तव्य राख्नुभएको थियो l
कमिटीको बैठकमा नगर पार्टी सचिवालय सदस्य तथा महिला नेतृ सत्या जीसि को विशेष उपस्थिति रहेको थियो l बैठकमा वडा कमिटीका पदाधिकारीहरु तथा सदस्यहरुले समग्र वडा भित्र का गतिविधिहरूको रिपोर्ट प्रस्तुत गर्नुभएको थियो l
वडा नम्बर ८ मा नेकपा एमाले लाई सशक्त,बलियो र जनतामा आश्रित पार्टी बनाउनको लागि विभिन्न निर्णयहरु समेत गरेको वडा कमिटी उपसचिव सन्दिप खत्रीले युनिक खबर डट कम लाई जानकारी दिनुभएको छ l रिक्त रहेका ४ ओटा सदस्य पदहरुमा शिव बहादुर नेपाली,मुक्तबहादुर नेपाली,कोपिला परियार र जितबहादुर बिक लाई मनोनयन गरेको उपसचिव खत्री ले बताउनु भयो। चुराबहादुर खत्री,हिराबहादुर नेपाली ,चन्द्रबहादुर घर्ति, सन्दिप खत्री,सम्झना खत्री, रेशम नेपालि,मित्रलाल सापकोटा, नेत्रबहादुर दर्लामी,यादुमणि घिमिरे ,कोपिला परियार र कमला सापकोटा रहनु भएको ११ सदस्यीय सचिवालय निर्माण गरिएको छ।
बैठकमा कमिटी अध्यक्ष चुराबहादुर खत्रीको अध्यक्षता तथा पार्टी सचिव चन्द्रबहादुर घर्ति को सञ्चालन रहेको थियो l