कस्तो आयो गुल्मी मुसिकोटको बजेट?
गुल्मीको मुसिकोट नगरपालिकाले आर्थिक वर्ष २०८०/०८१ का लागि बजेट ल्याएको छ ।नगरपालिकाको १४ औं नगर सभामा उपप्रमुख गंगा श्रेष्ठ ले ६६ करोड ५७ लाख १२ हजार ८ सय ९६ रुपैयाँ बराबरको बजेट प्रस्तुत गर्नुभएको छ।
प्रस्तावित बजेट मध्ये चालु खर्च करिब रु. ४५ करोड १ लाख ८९ हजार रहेको छ भने पुजीगत खर्च २१ करोड ५५ लाख २३ हजार ८ सय ९३ रहेको छ ।
संघिय सशर्त, प्रदेश सशर्त र संघीय विशेष बाहेक नगरपालिकाले आफै बजेट तथा कार्यक्रम तर्जुमा गर्ने कुल रु ३० करोड ५५ लाख ६२ हजार ८ सय मध्ये चालु खर्च रु १३ करोड २८ लाख ३९ हजार ३ र पूँजीगत खर्च १७ करोड २७ लाख २३ हजार ८ सय ९३ रहेको छ ।
त्यसैगरी प्रस्तावित बजेटलाई क्षेत्रगत रुपमा हेर्दा नगरपालिका आफैले बजेट तथा कार्यक्रम बनाउने रकम मध्ये सबैभन्दा बढी पूर्वाधार विकासमा करिब १३ करोड ७७ लाख २३ हजार ८ सय ९३ र सबैभन्दा कम सुशासन तथा अन्तर्सम्बन्धीत क्षेत्रमा रु १ करोड ३९ बजेट विनियोजन भएको छ ।
कार्यालय संचालन तथा प्रशासनिक तर्फ ७ करोड ३१ लाख, आर्थीक विकास तर्फ रु २ करोड २९ लाख ६२ हजार र सामाजिक विकास तर्फ रु ५ करोड ७८ लाख ७७ हजार ३ रहेको छ । जुन कुल नगरपालिकाको बजेटको क्रमशः २३, ८ र १९ प्रतिशत हुन आउँछ ।