जनप्रतिनिधिहरुको एकवर्षे कार्यकाल र आत्मसमीक्षा बारे

रामकृष्ण कंडेल,वामीटक्सार✍️

नेपाल कम्युनिष्ट पार्टी एमाले केन्द्रिय कमिटी सदस्य गणेश खनाल ले जनप्रतिनिधिहरुको एकवर्षे कार्यकाल र आत्मसमीक्षा बारे केहि जिज्ञॅासाहरू राख्नुभएको छ।निर्वाचन सम्पन्न भएको पनि एक बर्ष बितिसकेको र जनताहरूमा निराशा बढिरहेको सन्दर्भमा केन्द्रिय सदस्य खनाल भन्नुहुन्छः”साधारण जीवनशैलीका साथ अग्रगामी रुपान्तरण सहित समाज बदल्न पार्टीले दिएको दायित्व र कार्यभार यो एक वर्षको सिकाइको आधारमा के पूरा गर्न सक्छौ ? सक्छौ भने निर्मम समीक्षाका साथ अगाडी बढौ । पार्टीमा भरोसा पैदा गर्ने दायित्व अहिले जनप्रतिनिधिको काधमा छ तसर्थ if or but को चान्स छैन है ! यो कुरालाइ गहिरो गरि मनन गरौ”

गुल्मी २ एमाले पार्टी ईन्चार्जको भुमिकामा समेत रहनुभएका खनाल सोध्नुहुन्छः

१) यो एक वर्षमा आफुले गरेका कामबाट के हामी सन्तुष्ट छौ ?

२) जनताको चाहाना र हामीले दिएको सेवा वा सुविधाका बिचमा एकरुपता छ कि जन चाहना एकातिर हाम्रो काम अर्कोतिर त भै रहेको त छैन ?

३) जनताको जीवन बदल्ने खालका र आमूल परिवर्तनको पक्षमा हाम्रो काम केन्द्रीय भए कि दिन बिताउने र पुरानो शैलीमा प्रक्रियामुखी काम मात्र भए वा परिणाममुखी ?

४) आफुले गरेको एक वर्षको कामले पार्टीको मुल उद्देश्य र लक्ष्य प्राप्तिको लागि चाहिने उत्पादनमुलक काम कति भए? त्योबाट के उपलव्धी भए ?

५) सामाजिक रुपान्तरणमा यो एक वर्षमा के कति काम भए त्यसले समाजमा कस्तो असर पार्यो ?

६) शिक्षा र स्वास्थ्यमा आफुले गरेको प्रयास र त्यसप्रति जनताको बुझाइ कस्तो रह्यो ?

७) यो एक वर्षको अवधिमा जनताको पक्षमा के कति काम गर्न प्रयत्न भए ती मध्ये मुख्यकाम के के हुन ? कामको पहलकदमी लिदा अवरोध र सहजीकरण के कस्ता भए ?

८) अहिलेको मुख्य समस्या मध्ये युवा बेरोजगारी हो त्यसलाइ कम गर्न आफ्नो पहल कति भए ?

नीतिगत काम कति भए?

अलिकति भएपनी सम्बोधन गर्न सकियो वा सकिएन ? यदि सकिएन भने किन सकिएन अब के गर्नुपर्ला?

यी लगायत यावत प्रश्नको उत्तर व्यवहारत: खोजेरमात्र आफुमा निखार ल्याउनु र सबैको भरोसायोग्य बन्न सकिन्छ ।

साधारण जीवनशैलीका साथ अग्रगामी रुपान्तरण सहित

समाज बदल्न पार्टीले दिएको दायित्व र कार्यभार यो एक वर्षको सिकाइको आधारमा के पूरा गर्न सक्छौ ? सक्छौ भने निर्मम समीक्षाका साथ अगाडी बढौ । पार्टीमा भरोसा पैदा गर्ने दायित्व अहिले जनप्रतिनिधिको काधमा छ तसर्थ if or but को चान्स छैन है ! यो कुरालाइ गहिरो गरि मनन गरौ।