३३ केजी सुनकाण्ड : भोजे मामा भन्ने भोजराज भण्डारी पक्राउ
३३ किलो सुन तस्करीमा फरार एकजना प्रतिवादीलाई प्रहरीले पक्राउ गरेको छ। भोजे मामा भन्ने भोजराज भण्डारीलाई शुक्रबार पक्राउ गरिएको महानगरीय प्रहरी परिसर काठमाडौंका प्रमुख एसएसपी अशोक सिंहले बताए।
उनीविरुद्ध सुनकाण्डमा संलग्न रहेको अभियोगमा जिल्ला अदालत मोरङबाट म्याद जारी भएको थियो। अपराधिक समूह स्थापना र संचालन गरी सुन अवैध चोरी पैठारी र अवैध कारोबार गरेको अभियोगमा उनलाई प्रहरीले पक्राउ गरेको हो।
पुरानो बानेश्वर चोक नजिकबाट पक्राउ परेका उनीविरुद्ध अपहरण तथा शरीर बन्धक र कर्तव्य ज्यान मुद्दा पनि चलाइने भएको छ।
