बहुमत पुर्‍याएर मुख्यमन्त्रीमा दाबी गर्छौं :नेता नेपाली

नवलपुर । नेपाली काङ्ग्रेस गण्डकी प्रदेशका संसदीय दलका नेता कृष्ण चन्द्र नेपालीले बहुमत पुर्‍याएर मुख्य मन्त्रीमा दाबी गर्ने बताएका छ्न ।

बिहीवार मुख्य मन्त्री पृथ्वी सुब्बा गुरुङले प्रदेश सभा बाट विश्वासको मत लिन नसके पछि उनी पदमुक्त भएका छन । गुरुङ पदमुक्त भए पछि प्रदेश प्रमुखले नयाँ सरकारको लागि अब संविधानको धारा १६८(५) अनसार मुख्यमन्त्री नियुक्तिका लागि विश्वासको मत प्राप्त गर्ने आधार प्रस्तुत गर्न प्रदेशसभा सदस्यलाई आवह्वान गर्ने संवैधानिक व्यवस्था छ ।

प्रदेश प्रमुखले १६८(५) अनुसार सरकार गठन को आवह्वान गर्न साथ आफुहरुले बहुमत जुटाएर सरकारको दाबी गर्ने काङ्ग्रेस संसदीय दलका नेता नेपालीले बताए । नवलपुर टाईम्स सँगको कुराकानीमा नेता नेपालीले भने “संवैधानिक व्यवस्था अनुसार बहुमत पुर्‍याएर हामीले मुख्य मन्त्रीको दाबी गर्ने छौं, बहुमत सांसद हामी सँगै हुनुहुन्छ ।”

मुख्यमन्त्री गुरुङलाई विश्वासको मत दिन उपस्थित नभएका राजिव गुरुङ पनि आफुहरु सँगै रहने र अन्य केही प्रदेश सभा सदस्यले समेत सरकार गठनमा साथ दिने काङ्ग्रेस सांसद विष्णुप्रसाद लामिछानेले बताए ।

६० सदस्यीय प्रदेश सभामा सरकार गठनका लागि ३१ मत चाहिन्छ । पोखरेललाई मुख्यमन्त्री बनाउन कांग्रेस १५, माओवादी ११ (सभामुखबाहेक), जनता समाजवादी पार्टीका २ र राष्ट्रिय जनमोर्चाका २ गरी ३० सांसद सहमत देखिएका छन् । स्वतन्त्र भनिएका राजिव गुरुङ सहित ३१ सांसदको हस्ताक्षर बुझाएर सरकारको दाबी गर्ने तयारी विपक्षी गठबन्धनले गरेको छ ।

Related Post
कांग्रेस लाई सहि दिशा प्रदान गर्न नेतृत्व लिन तयार छौ:कॉग्रेस युवा नेता हरू

कांग्रेस लाई सहि दिशा प्रदान गर्न नेतृत्व लिन तयार छौ:कॉग्रेस युवा नेता हरू

युवा नेता हरू डा. चन्द्र भण्डारी, धनराज गुरुङ, कमला पन्त, गगन थापा, गुरुराज घिमिरे, बद्री पाण्डे, रत्ना शेरचन, जीवन परियार, प्रदिप पौडेल, सरिता प्रसाँई, रामकृष्ण यादव, किरण यादवको नाममा जारी गरिएको प्रेस विज्ञप्तिमा भनिएको छ

नेकपा विवाद समाधान उन्मुख : यो हो सहमतिको खाका

नेकपा विवाद समाधान उन्मुख : यो हो सहमतिको खाका

अहिले नेकपा अध्यक्षद्वय केपी शर्मा ओली र पुष्पकमल दाहाल 'प्रचण्ड'बीच सहमतिका विषयमा अन्तिम छलफल चलिरहेको छ । विचार, महाधिवेशन केन्द्रित कार्यक्रम, अन्य काम बाँडफाटलगायतका विषयमा अन्तिम चरणको छलफल चलिरहेको छ ।