मुसिकोट आइडल को ग्रयान्ड फिनाले कार्यक्रम गुल्मीको वामिटक्सारमा आयोजना हुँदै
गोबिन्द बि सी,डासिकोट✍️
मुसिकोट आइडल को ग्रयान्ड फिनाले कार्यक्रम लगत्तै आयोजना हुँदै छ।कार्यक्रम को लागि उपर्युक्त समय कहिले हुन सक्ला भन्ने बारेमा आयोजक ले परामर्श शुरु गरेको बुझिएको छ। ७७ साल फाल्गुन १ गते बाट अन्लाइन अडिसन सुरु गरेको आइडलमा विभिन्न क्षेत्र देश तथा बिदेश बाट अडिसन मा धेरै कलाकार हरु ले सहभागीता जनाएका थिए। जस मध्ये ६७ जना कलाकार छनौट भएका थिए । दोस्रो राउन्डमा ४७,तेश्रो मा २५, चौथोमा १०, पाचौं मा ६ र छैठौंमा ४ जना छनौट गरिएको थियो।
अडिसन राउन्ड बाटै निकै रोचक र आकर्षक मानिएको आइडलमा नेपाली गीत सङ्गीतमा तल्लिन लोक गायक प्रकाश सापकोटा,गायक रमेश कंडेल,गायक गोबिन्द बि.सी र गायक नरेन्द्र परियार निर्णायकको भुमिकामा रहनुभएको छ।
आफुमा क्षमता भएका तर प्रस्तुत गर्ने अबसर र ठाउँको खोजिमा रहेका कलाकारहरुको क्षमता लाइ विश्वभर चिनाउने लक्ष्यका साथ आयोजना गरिएको कार्यक्रमको सम्योजक का रुपमा सुवास परियार रहनु भएको छ lसचिवमा बिपिन रायमाझी,कोषाध्यक्षमा केयर सिह राना र सदस्यमा वसन्त थापा रहनु भएको छ।
करिब ८/९ महिना लगाई लुकेर रहेका प्रतिभा लाइ फाइनल सम्म ल्याइएको र यस अबधि भर सिक्ने अबसरका साथै वास्तविक प्रतिभाले उचित स्थान पाएको आयोजकको दाबी छ।
गुल्मी मुसिकोट नगरपालिकाको नाम बाट सन्चालित कार्यक्रम भएकोले फाइनल नतिजा घोषणा कर्यक्रम लाई भब्य,ब्यबस्थित र रोचक बनाउन आयोजक ले तयारी अगाडि बडाएको छ।