रिडी रुद्रवेणि सडक सुचारु
कृष्ण अन्जान✍
अविरल रुपमा परेकाे मनसुनी वर्षाका कारण अवरुद्द बनेकाे रिडी रुद्रवेणि सडक खण्ड सुचारु भएकाे छ ।
रिडी देखि रुद्रवेणि सडक खण्डकाे करिव आधा दर्जन ठाउँमा गएकाे पहिराेका कारण करिव अडचालिस घण्टा देखि अवरुद्द सडक विहिवार अपरान्ह देखि सुचारु भएकाे रिडी इलाका प्रहरी कार्यालयका इन्चार्ज प्रहरी निरिक्षक शुभराज बमले जानकारी गराउनु भयाे ।
याे क्षेत्रमा कालिगण्डकी करिडाेर तथा रुरुवाँध लगाएतका निर्माणका काम गरिरहेकाे शर्मा एण्ड सगुन कन्ट्रक्सनका जेसिभिकाे सहयाेगले सडक खुलाउने काम भएकाे प्रहरी निरिक्षक बमले बताउनु भयाे ।
बुधवार पनि सडक खुलाउने कार्यमा जेसिवि प्रयाेग गर्ने प्रयास गरिएपनि भिषण वर्षाका कारण वाटाे खुल्न सकेकाे थिएन ।
सडक अवरुद्द भएपछि रिडी र रुद्रवेणिमा साना सवारी तथा ढुवानिका साधन राेकिएका थिए ।
यसै विच कालिगण्डकीमा आएकाे बाढिले बन्दै गरेकाे तिनमुखे पुलका महत्त्वपूर्ण सामान हरु बाढिले बगाएकाे रिडी बाट पत्रकार सुन्दर कसजुले जानकारी दिनु भयाे ।
वाढिकै कारण स्याङ्जा र गुल्मी जाेड्ने पुल कालिगण्डकी करिडाेर लाई समेत प्रभाव पारेकाे छ भने गुल्मी तर्फकाे लामाचौपारी र पाल्पा क्षेत्रमा ऋषिकेश मन्दिरकाे गेट क्षेत्रमा व्यापार व्यवसाय गर्ने व्यापारीलाई क्षति पुर्याएकाे छ ।
यतिवेला भने कालिगण्डकी नदिकाे बहाव कम भएपछि रिडीवासिले राहत महसुस गरेकाे पत्रकार कसजुले जानकारी दिनु भयाे ।