नेपाली काँग्रेस उर्लाबारी—९ द्धारा निम्न परिवारलाई माक्स तथा सेनिटाईजर वितरण
नेपाली कांग्रेस वडा समिती उर्लाबारी—९ ले कोरोना कहरबाट सुरक्षित गराउने उदेश्यका साथ माक्स तथा सेनिटाईजर बितरण गरेको छ ।
९ जना कोरोना संक्रमित रहेको माहाराजस्थानमा १ हजार माक्स र ५० थान सेनिटाईजर बितरण गरिएको वडा सभापति प्रकाश कन्दङवाले बताउनुभयो । उहाँका अनुसार माक्सको बन्डेल बन्डेल नै बितरण गरिएको हो । ‘ हामीले माक्स सेनिटाईजर किन्न नसक्ने निम्न परिवारलाई छानी छानी सहयोग गरेका हौ, कन्दङ्वाले भन्नुभयो, ९ नम्बरका प्रत्येक टोलमा रहेका निम्न परिवारलाई सहयोग गर्छौ ।
वर्तमान दोस्रो लहरको कोरोनाको प्रकोप फैलिदै गएकोले त्यसबाट बच्ने प्रमुख उपायको रुपमा माक्स लगाउने, सेनिटाइजर प्रयोग गर्ने, हात धुने र सामाजिक दुरी कायम गर्न युवा नेता लोलिम पोमुले अपिल गर्नुभयो । कार्यक्रममा बिजय आङबुहाङ,रोशन राई, प्रताप तामाङ,प्रताप लिम्बू, चित्र थापा लगायतको उपस्थिती रहेको थियो । माक्स पाएपछि घरमै माक्स सेनिटाईजर पाएपछि स्थानीय खुशि भएका थिए ।
वडा सभापति प्रकाश कन्दङ्वाले कलाकार सृजना सुब्बाले २५ थान सेनिटाईजर उपलब्ध गराएको जानकारी दिनुभयो ।
